Intaasaan Alleyl kaa beryey
Waxa tiriyey tixdan Maxamed Xirsi Guuleed 31-01-2003. Wuxu yidhi:-
Allahaw aduunyada intaan anigu sii joogo
Kollay waa ayaamee intaan iilka la´i geynin
een laygu aabudhin xabaal layga imanaayo
Waxan adiga kaa tuugayaa tuban amuuroode
Aqoon, caafimaad iyo inaad ubad i deeqsiiso
Maal aada, iimaan xasila, shaac ka madhan eedo
Wixii aan ushoon helo waxaan ka ordo oo suula
Jacayl uunka ii gala, qofkii i inkiroo iisha
Intaasaan Allayl kaa beryood dhab awoodaaye
Iga wada ajiib Qaadiroow waan ku aaminaye
——————Maxamed Xirsi———————-