Burco Boodhlay (1)
Salaamada dhammaantiin
Waxan jeclaystay inaan soo gunaanado tixdii yarayd ee iga soo baxday ee ragga
qaar ka cadhaysiisay. Waan ka xumay inaan dhasriyey hawlihii muhiimka ahaa ee
golaha hor yaalay. Waan u cudur daaranayaa walaalah u arkay gabay deelqaaf ah
oon meeshiisii joogin. Markii aan soo gelinayey waxay iga ahayd kaftan iyo maad
ahaan oo keliya. laakiin Maca-alasaf rag baa u qaatay dagaal run ah. Waan isku
xishooday markaan arkay rag badan oo wacdi iyo abhin soo jeediyey. Laakiin
waxan weli u arkaa inaan tiriyey gabay kaftan ah oo aan wax xumaana iyo nacayb
toona ka danbayn. Aniga qudhaydu inaan reer burco ku biiro ayaa laga yaabaa kol
haddaan dhul ka gadday dhawaan halkaas. Ragga qaar ayaa i weydiiyey inaan Burco
arkay weligay. jawaabtu waa saddex jeer ayaan midba laba habeen u hoyday.
Xasuuso badan oo inaan dib u janto qaar kood igu dhaliyeenna waan kala soo
noqday. kuwa aan gabayga ku sheegayna intooda badan waan kala soo kulmay.
laakiin wanaagyadeeda lama barbar dhigi karo dhawrka dhaliil!
ood ee aan xusay. Waxay ahayd i
Walaalkay Cabdi Xasan wuxuu si kalsooni leh cuskaday inaan tiriyey gabay-dheeg
laakiin Cabdiyoow sidaas maaha!!.
Hadal iyo dhammaan, raalli ahaada intii uu kaftanku la qalloocdayeey. Waxanan
go aansaday inaan gabaygaygii iga khasaaray u baroor dhiiqo. Waxan idhi
19/03/01:
1. Murti beer darrawdaaay adaan kuu baroor ahaye
2. Adoon baaqan kulamaan jeclayn baylah iyo ceebe
3. Ban cidla ah ayaad iga gashiyo meel barbaar darane
4. Barashaa i seegtaye malaha kuma bulqaaseene
5. Bi´i waayey iga khasaar baydkii maansaduye
6. Iga baylah gabaygaan lahaa way u bogayaane
7. Baxsanaw Gamuutiyi Salaan, baxarigii Yawle
8. Buushaa gadaal maray ragii biixida ahaaye
9. Dhulkii baarqabada loo ogaa biiqaq baw kacaye
10. Haddaan Booramiyo geyn lahaa Aw-barriyo Saylac
11. Ama reer Bullaaliyo Dannood belo ma moodeene
12. Igumay bilaabeen dagaal boohin iyo cayye
13. Badraan iguma sheegeen anoo baan hor joogsadaye
14. Sidaan baydkii eebbahay dab sudhay iguma boodeene
15. Biir baad cabtaa iyo af xumo ilama beegteene
16. Murti badhaxla bashaal kaftana hadal bilaa qoona
17. Marka uu xigaal baahiyee la isku baal baalo
18. Ayuu badawgu moodaa colaad buuni loo tumaye
19. Maxaan biiyey ee reer Burcoow laygu wada buuqay?
20. Baqaa ka hadliyee wuxu na yidhi beri nin maahmaahay
21. Bahalbaan ku moodaye, burbaad noqotay geedyoowe
22. Waxse aan bartaas uuga hadhay Bixidda fiidkiiye
23. Aniguna intaan lay bukayn hadal bikh weeyaane
24. Oo aan budhweyn layla dhicin waan ka baxayaaye
25. Badbaada Alla waxa ii haboon baabkan oon xidho eh
Salaamad
Maxamed Xirsi
Salaamada sxb dhamaantiin
Beryahan danbe waxa batay soo hadal qaadka Burco iyo kaalinteeda bulsho,
taariikheed, iyo siyaasadeedba. marar badan ayaan isku idhi malaha soo hadal
qaadka Burco waa la badiyey. Markaa Habeen dhaweyd 12/03/01 ayaan 11:30 kii
habeennimo furay e-mailka ay ku soo hagaagaan warqadaha somalilandforum. Waxan
halacsaday dhawr mawduuc oo carab baabaya Burco. markaa ayaan si kedisa u idhi
: Burcuunbay ka sheekaynayaan duulkan reer bariye”. waan iska xidhay
komputerkii waxaanan u holladay seexasho, laakiin waxa hurdadii iska kay hor
taagay ereygii afkayga ka soo baxay oo ereyo kalena igu shuqeeyey. waan soo
kacay 12:00 qalin iyo buug ayaan isu soo qaaday markaasaan qoray ereyo gabay ah
oo tilmaamaya Burco oo maad iyo kaftan (run la qaboojiyey) u badan. Waana kan
gabaygii:
1. Burcuunbay ka sheekaynayaan duulkan reer bariye
2. Baxsanayda uunbay hayaan tuulo baaliyahe
3. Annagoon bankii Qoolcaday iyo Badar-wanaag sheegin
4. Ama beerihii Arabsiyiyo Bixin ka faalloonin
5. Inaad boodhlay noo faanisaan ma ay bannaanayne
6. Naga badise balawaasid iyo buuq aan damahayne
7. Inay meel barwaaqaysantoo eebbe barakeeyey
8. Oo bilicsanbaa uga dhigteen ruuxaan soo barane
9. Meel boqorro iyo ay degaan madax la buulbuulay
10. Oo laysku booqday dadkii badh u malayeen
11. Haddaanaan bir idin joojisiyo dhagax idiin beegin
12. Bariis baa ka baxa baydun odhan bananka waaweyne
13. Bad ayaanu leenniyo kalluun baahay baa xigiye
14. Bisinkee waxaad soo waddaan sheeko yaab badane
15. Bal intaanu baanaha jin iyo faanku tiro beelin
16. Si basara anoon been ku darin maan Burcadan qeexo?
17. Boogteeda iyo maan qodqodo waxay ku baw dheertay?
18. Waa meel bannaan oon lahayn kaymo loo bogaye
19. Waa meel bus iyo siiga loo lagu basaasaaye
20. Biyeheedu marar bay harraad kuguba beeraane
21. Waa meel baadiye ah oon haddana daaq ka soo bixine
22. Waa meel buuro muuneeya iyo loo ogayn bilice
23. Waa meel dadkaba aad ka baqan bilista mooyaane
24. Waa meel budh iyo toorri weyn badi la haystaaye
25. Waa meel baanisada ay taqaan waan birayn tahay
26. Nabadbaa badhaadha leh haddaan been la xiganayne
27. Waa meel dawlad baabiin kartoon soo binayn karine
28. Waa meesha beladii kacdaba laga bilaabaaye
29. Berberiyo Hargeysaba dabkii lagu besbeelsiiyey
30. Halkii laga belbeliyey ahayd boodhlaydaas xumiye
31. Waa meel, beel u kala qaybsanoo reerba baal dego4e
32. Waa meel haddaad booqatana “Baalcad” kaa dhigiye
33. Bariidada waxaa ugu hoorrayn sheeg bahdaad tahaye
34. Waa meel boqol waxoon qarinayiyo gocasho buuxdaaye
35. Maxaa layga buunbuuniyaa waaban badiyaaye
36. Gabaygaas ha lay baahiyee reer Burco u dhoofsha
37. Barigiyo galbeedkeeda iyo “faras ka bood” geeya
38. Kollay waa dad maansada bartoo way u bogayaane
39. Baarsiigo iyo sayladdii sax ugu baandheeya
40. Dabeetana jawaabtay baxshaan iigu qora buugga
AH ah ah aha anigiibaa isla qoslay
Maxamed Xirsi
Burco Boodhlay (2)
Salaamada dhammaantiin
Waxan jeclaystay inaan soo gunaanado tixdii yarayd ee iga soo baxday ee ragga
qaar ka cadhaysiisay. Waan ka xumay inaan dhasriyey hawlihii muhiimka ahaa ee
golaha hor yaalay. Waan u cudur daaranayaa walaalah u arkay gabay deelqaaf ah
oon meeshiisii joogin. Markii aan soo gelinayey waxay iga ahayd kaftan iyo maad
ahaan oo keliya. laakiin Maca-alasaf rag baa u qaatay dagaal run ah. Waan isku
xishooday markaan arkay rag badan oo wacdi iyo abhin soo jeediyey. Laakiin
waxan weli u arkaa inaan tiriyey gabay kaftan ah oo aan wax xumaana iyo nacayb
toona ka danbayn. Aniga qudhaydu inaan reer burco ku biiro ayaa laga yaabaa kol
haddaan dhul ka gadday dhawaan halkaas. Ragga qaar ayaa i weydiiyey inaan Burco
arkay weligay. jawaabtu waa saddex jeer ayaan midba laba habeen u hoyday.
Xasuuso badan oo inaan dib u janto qaar kood igu dhaliyeenna waan kala soo
noqday. kuwa aan gabayga ku sheegayna intooda badan waan kala soo kulmay.
laakiin wanaagyadeeda lama barbar dhigi karo dhawrka dhaliil!
ood ee aan xusay. Waxay ahayd i
Walaalkay Cabdi Xasan wuxuu si kalsooni leh cuskaday inaan tiriyey gabay-dheeg
laakiin Cabdiyoow sidaas maaha!!.
Hadal iyo dhammaan, raalli ahaada intii uu kaftanku la qalloocdayeey. Waxanan
go aansaday inaan gabaygaygii iga khasaaray u baroor dhiiqo. Waxan idhi
19/03/01:
1. Murti beer darrawdaaay adaan kuu baroor ahaye
2. Adoon baaqan kulamaan jeclayn baylah iyo ceebe
3. Ban cidla ah ayaad iga gashiyo meel barbaar darane
4. Barashaa i seegtaye malaha kuma bulqaaseene
5. Bi´i waayey iga khasaar baydkii maansaduye
6. Iga baylah gabaygaan lahaa way u bogayaane
7. Baxsanaw Gamuutiyi Salaan, baxarigii Yawle
8. Buushaa gadaal maray ragii biixida ahaaye
9. Dhulkii baarqabada loo ogaa biiqaq baw kacaye
10. Haddaan Booramiyo geyn lahaa Aw-barriyo Saylac
11. Ama reer Bullaaliyo Dannood belo ma moodeene
12. Igumay bilaabeen dagaal boohin iyo cayye
13. Badraan iguma sheegeen anoo baan hor joogsadaye
14. Sidaan baydkii eebbahay dab sudhay iguma boodeene
15. Biir baad cabtaa iyo af xumo ilama beegteene
16. Murti badhaxla bashaal kaftana hadal bilaa qoona
17. Marka uu xigaal baahiyee la isku baal baalo
18. Ayuu badawgu moodaa colaad buuni loo tumaye
19. Maxaan biiyey ee reer Burcoow laygu wada buuqay?
20. Baqaa ka hadliyee wuxu na yidhi beri nin maahmaahay
21. Bahalbaan ku moodaye, burbaad noqotay geedyoowe
22. Waxse aan bartaas uuga hadhay Bixidda fiidkiiye
23. Aniguna intaan lay bukayn hadal bikh weeyaane
24. Oo aan budhweyn layla dhicin waan ka baxayaaye
25. Badbaada Alla waxa ii haboon baabkan oon xidho eh
Salaamad
Maxamed Xirsi